Ev mozaîk 20 metre dirêj e û 6 metreyan jî fireh e. Mozaîk li Rastanê ya nêzî bajarê Humusê di binê avahiyekê de hate dîtin.

Ev mozaîk li ser şerê Trûva û Amazonê ye û tê diyarkirin di warê xwe de yek ji mînaka herî serkeftî û girîng e.

Piştî ku di sala 2011’an de li Sûriyeyê şer dest pê kiribû û heta niha, dîtina vê mozaîkê wekî keşfa herî girîng a arkeolojiyê tê qebûlkirin.

Yek ji rayedarekî payebilind ê Midûriyeta Muze û Berhemên Kevn ê Sûriyeyê Hamman Saaed ji Assocîated Pressê re axivî û got “Ev tişt di temamî dinyayê de, keşfeke gelekî nadîde ye”.

Saad diyar kir di mozaîkê de qala xwedayê behrê yê Romayê Neptun û 40 dostikên wî dike. Di heman demê de mozaîk qala kuştina kralîçeya Amazonê Hîppolytayê dike ku Herkul ew kuştibû.