Li Başûrê Kurdistanê bajarê Hewlêrê, li cihekî nêzî avahiya Walîtiyê êrîşêke xwekujî rû da.

Li gorî dema herêmê saet di 11:30 de, hat xwestin ku bi wesayîteke bombebarkirî li hemberî Walîtiya Hewlêrê êrîşek xwekujî were kirin. Şahidên bûyerê dan xuyakirin, ku hêzên ewlekariyê bi çalakgerê xwekuj hesiyane û berî xwe bigihîne Walîtiyê, wesayîta bombebarkirî teqandine.

Li gorî agahiyên hatin bidestxistin, heta niha 4 kesan jiyana xwe ji dest dane. Hat ragihandin ku 2 ji van sivîl, 2 jî polîs in.