Jinên Kurd ên nli gundê Perekopnoye yê navçeya Yerşovê ya herêma Saratovê ya Rûsyayê, polîtîkayên 'hêrs' û 'nefret'ê yên dewleta Tirk şermezar kirin.

Jinan nerazîbûn nîşanî êrişên nijadperest dan ku dema dawî zêde bûne, bi taybetî jî qetilkirina 7 Kurdan li navçeya Meram a Konyayê bi bîr xistin.

Jinan lînçên nijadperestiyê bi bîr xistin ên ku bi bahaneya şewata daristanan têne kirin û bal kişandin ser tecrîda giran a li ser Rêberê Gelê Kurd Abdullah Ocalan. Jinan destnîşan kirin ku yekane rêya çareseriyê, Îmrali ye.

Gozel Yûsûbova bi navê Komîteya Jinê ya Meclîsa Kurd a Yerşovê axivî û anî ziman ku êrişên li dijî Kurdan ji rêzê nînin û armanca hêzên faşîst ên li pişt van êrişan e, qetilkirina gelê Kurd e.

Yûsûbova diyar kir ku Kurd li dijî van êrişên nijadperestiyê divê baldar bin, xwe biparêzin û got, "Dewleta Tirk a faşîst derbên mezin ji gerîla xwariye, desthilatdariya faşîst a AKP-MHP'ê ku nikare xwe li vê rabigire, êrişî gelê Kurd dike."

Yûsûbova nerazîbûn nîşanî hevkariya PDK'ê ya bi dewleta Tirk re da û bang li PDK'ê kir ku dest ji xeta xwe ya heyî berde.

Yûsûbova diyar kir ku Kurd tenê bi yekîtiyê dikare pêşî li van êrişan bigirin û destnîşan kir ku her Kurdek divê li dijî van êrişan bikevin nava liv û tevgerê.