Ji parêzerên Buroya Hiqûqê ya Sedsalê Îbrahîm Bîlmez, Raziye Ozturk, Cengîz Yureklî û Emran Emekçî ji bo hevdîtinê bi muwekîlên xwe Abdullah Ocalan, Omer Hayrî Konar, Hamîlî Yildirim û Veysî Aktaş re bikin, car din serî li Serdozgeriya Komara Bûrsayê û Midûriyeta Saziya Ceza û Înfazê ya Îmraliyê dan.

Ji 25’ê Adara 2021’an ve agahî ji Rêberê Gelê Kurd Abdullah Ocalan nayê girtin.

Parêzer ji bo dîtina Rêberê Gelê Kurd hefteyê 2 caran serlêdanê dikin, lê bersiveke erênî yan nerênî nastînin.

Rêberê Gelê Kurd Abdullah Ocalan di 12 salên dawî de, tenê 5 hevdîtin bi parêzeran re kiriye. Herî dawî 7’ê Tebaxa 2019’an hevdîtin bi parêzeran re kiribû. Ji wê demê û vir ve zêdeyî 4 sal derbas bûn.