Ji parêzerên Buroya Hiqûqê ya Sedsalê Rezan Sarica, Raziye Ozturk, Faîk Ozgur Erol û Mazlûm Dînç ji bo dîtina Rêberê Gelê Kurd Abdullah Ocalan ku nêzî 3 sal in agahî jê nayê wergirtin, serlêdanên nû kirin.

Parêzer ji bo hevdîtinê bi muvekîlên xwe Rêberê Gelê Kurd Abdullah Ocalan, Omer Hayrî Konar, Hamîlî Yildirim û Veysî Aktaş re bikin, serî li Serdozgeriya Komara Bûrsayê û Midûriyeta Saziya Ceza û Înfazê ya Îmraliyê dan.

Ji 25’ê Adara 2021’an ve agahî ji Rêberê Gelê Kurd Abdullah Ocalan nayê wergirtin.

Parêzer ji bo dîtina Abdullah Ocalan hefteyê 2 caran serlêdanê dikin, lê bersiveke erênî yan nerênî nagirin.

Rêberê Gelê Kurd Abdullah Ocalan di 12 salên dawî de, tenê 5 caran bi parêzeran re hevdîtin kiriye. Hedîtina bi parêzeran re herî dawî 7’ê Tebaxa 2019’an hate kirin, ji wê demê hetanî niha zêdeyî 4 sal derbas bûn.