Kolbernews’ê di nûçeyek xwe de amara êrîşên rejîma Îranê yên li dijî kolberan belav kir. Li gor nûçeyê di hefteya borî de 24 kolber li devera sînorî ya Newsud a ser bi Kirmaşanê ji aliyê hêzên rejima Îranê ve hatine birîndarkirin.

Her wiha di nûçeyê de tê diyarkirin ku piraniya kolberên hatine birîndarkirin xelkê navçeya Ciwanru û Selasa Bawecanî ne.

Her wiha hat gotin di meha borî de 3 kolber li deverên sînorî yên Rojhilatê Kurdistanê di encama erîşên hêzên Îranê de jiyana xwe ji dest dane û 27 kolber jî hatine birîndarkirin.