Endamê heyetê Sirri Sureyya Onder, ji malbatên mirovên li Dîlokê hatin qetilkirin re sersaxî xwest. Onder got, "Kurteberiya salên dawî, kronolojiya komkujiyan e" û xwest, ji ber vê sedemê, daxuyaniya KCK'ê ji her alî ve bê nirxandin.

Onder bibîr xist, ku beriya niha dema KCK'ê deklarasyonek eşkere kiribû, li Enqereyê komkujî hatibû kirin û got, "Bi heman rengî li Dîlokê komkujî hat kirin. 5 saet heman piştî vê daxuyaniyê, hewl hat dayîn ev daxuyanî bê pûçkirin."

Onder destnîşan kir, ku gotina herî zêde Ocalan balê dikişîne ser, mekanîna darbeyê ye û wiha dewam kir: "Di nava demeke dirêj de hewl da bi hemû nîşaneyan, vê yekê ji me re û dewletê re vebêje. Wî bal kişand ser çi, ew qewimî. Pûçkirina Mutabaqata Dolmabahçeyê û mekanîka darbeyê ya beriya destpêkirina muzakereyê ket dewrê, mesele gihand rewşa heyî."

Onder da xuyakirin, ku hewldana darbeyê piştî amadekirina bingehên civakî, aborî û polîtîk hatiye kirin û got, "Ji bo hesab ji darbeyê were pirsîn, divê ewilî mirov li rewşa ku diyalog veguherand şer, binêrin."

Onder diyar kir, ji Pirsûsê heta Enqereyê, hemû komujî û cînayetên siyasî, ji bo bingehê ji darbeyê re amade bikin, hatine kirin.

Civîna çapemeniyê dewam dike.