HDP'ê, ji bo avakirina 'Komîsyona Avakirina Komara Demokratîk' qanûnek pêşniyar kir. Pêşniyar ji aliyê Cîgirên Serokê Koma HDP'ê Çaglar Demîrel û Îdrîs Balûken ve hat pêşkêşkirin.

Di xala destpêkê ya pêşniyar qanûna HDP'ê de, ji bo armanc û çarçoveya qanûnê ev tê gotin: "Li ser bingeha demokrasî, wekhevî, azadî û mafên gerdûnî, bi tevlîbûna hemû hêzên siyasî, civakî û hilberîner re, krîza heyî ya li welatê me bê çareserkirin, ji bo vê çareseriyê rapor bên amadekirin, pêşniyar bên kirin, bike ku dewlet û civak bi hev re tevbigere, ji bo vê pêşnûme û pêşniyarên qanûnan pêşkêşî Meclîsa Millet a Mezina  Tirkiyeyê bike, damezrandin, erk, wezîfe û rêbaza xebatê ya Komîsyona Avakirina Komara Demokratîk destnîşanb ike."

Di xala duyemîn a pêşniyar qanûnê de jî tê gotin, ev komîsyon ji parlamenterên partiyên koma xwe hene û parlamenterên serbixwe pêk were.

Her wiha tê gotin, ji nava rêxistinên civakî yên sivîl, akademîsyen û pisporan jî endam dikare ji komîsyonê re bên pêşniyarkirin.

Di xala sêyemîn a pêşniyar qanûnê de, têkildarî wezîfeyên komîsyonê tê gotin, "Şîdeta li dîroka civakî û siyasî ya Tirkiyeyê, darbeyên sivîl û leşkerî, hewldanên darbeyê bên tespîtkirin û ji bo siberojê, feraseteke xurt a demokratîk, azadîparêz û wekheviyê were destnîşankirin.

Gavên ji bo demokratîkbûn, azadî û wekheviyê, bi raya giştî re parve bike, materyalan di vî warî de biweşîne û raporan amade bike."

Ji bo dewlet û civaka Tirkiyeyê di nava demokasiyeke tam, hîn bêhtir azadî û wekheviyê de bijî, guhertinên qanûnî pêşniyar bike."