Girtiyê nexweş ê 68 salî Cemal Tanhan ku li Girtîgeha Tîpa F a Boluyê tê ragirtin, ji ber nexweşiyên xwe di 23’yê cotmehê de rakirin Nexweşxaneya Dewletê ya Îzzet Baysal û li beşa lênihêrîna awarte dihat tedawîkirin. 

Endamê Şaxa Komeleya Hiqûqnasên ji bo Azadiyê (OHD) parêzer Şukru Alpsoy ji bo rewşa Tanhan de agahiyan bigire, bi Serbijîşkê Nexweşxaneya Dewletê ya Îzzet Baysal a Boluyê Bijîşkê Pispor Ridvan Erdîn re rû bi rû hevdîtin kir. 

Alpsoy, da zanîn ku serbijîşk jê re got ku di kezeba Tanhan de kîst heye û ji ber vê yekê felc derbas kiriye û anîne nexweşxaneyê. Serbijîşk ji Alpsoy re got ku derfetên nexweşxaneya wan bi têrî tedawiya Tanhan nakin lewma îro sewqî Nexweşxaneya Bajar a Eskîşehîrê hatiye kirin. 

Parêzer Alpsoy da zanîn ku ji bo taloqkirina înfaza Tanhan dê serî li Dozgeriya Girtîgehê bide.