Di doza li dijî projeya Santrala Enerjiyê ya Jeotermal (JES) de ku tê plankirin li gundê Xwarikê yê Gimgimê bê çêkirin, biryara navberê hate eşkerekirin.

Piştî wergirtina destûra ji Komîsyona Bajêr a Walîtiya Mûşê, şîrketa IGNIS H2 Enerjî Hilberîn A.Ş a Emerîkî plan dikir ku li herêmê dest bi karê sondajê bike.

Li hemberî vê yekê Platforma Ekolojiyê ya Gimgimê û gundên li derdorê ji bo balê bikişînin ser bandora projeyê ya li hawirdorê ji bo rawestandina rêvebirina kar doz dan destpêkirin.

Dadgeha Îdareyê ya Çewlîkê ku dosya lêkolîn kir, biryara navberê da û têkildarî projeyê û avaniya qadê belgeyên zêdetir xwest. Dadgehê ji bo radestkirina belge û agahiyan 10 roj dem da îdareyê ku radest bike û parastina xwe bike.

Di biryarê de hate ragihandin ku daxwaza rawestandina rêvebirinê wê piştî pêşkêşkirina van belgeyan bê nirxandin.