Bi armanca şermezarkirina tecrîda giran a li ser Rêberê Gelê Kurd Abdullah Ocalan, ciwanên Kurd li Hambûrg, Hannover, London û Lîege çalakî lidar xistin.

HAMBÛRG

Li bajarê Hambûrg ê Elmanyayê, endamên Ciwanên Azad li stasyona trenê ya navendî li hev civiyan û ji bo tecrîda li ser Ocalan şermezar bikin, çalakiya bêîteatiya sivîl pêk anîn. Ciwanan dirûşmên "Bê Serok jiyan nabe", "Bijî Serok Apo" û "Freîheît fur Ocalan" qîriyan. Di çalakiyê de belavokên li ser tecrîdê hatin belavkirin. Çalakî bi qîrîna dirûşman qediya.

LONDON

Ciwanên Kurd û Kurdistaniyên li paytexta Îngilîstan Londonê dijîn, bi armanca şikandina tecrîdê çalakî lidar xistin. Çalakî bi pêşengiya Ciwanên Azad li stasyona trenê ya dîrokî ya Londonê Kîng's Crossê, pêk hat. Ciwanan dirûşmên "Ji Ocalan re Azadî", "Kujer Erdogan" û "Bijî Serok Apo" bi zimanê Îngilîzî qîriyan.

HANNOVER

Endamên Ciwanên Azad li balafirgeha Hannover a Elmanyayê, daxwaza azadiya Ocalan kirin. Ciwanan li balafirgehê sirûda Çerxa Şoreşê gotin û tecrîda li ser Ocalan şermezar irin. Ciwanan bang li hemû welatparêz û ciwanên Kurd ên şoreşger kirin, ku ji bo azadiya Ocalan bi şev û roj çalakiyan lidar bixin.

LÎEGE

Li bajarê Lîege yê Belçîkayê, endamên Ciwanên Azad li stasyona trenê ya Lîege-Gûîllemînsê li hev civiyan û tecrîda li ser Rêberê Gelê Kurd Abdullah Ocalan şermezar kirin. Ciwanan posterên Ocalan û alên Ciwanên Azad hildan û banga lidarxistina çalakiyan li ciwanên Kurd kirin. Ciwanan piştî belavkirina belavokên li ser rewşa Ocalan, çalakiya xwe qedandin.