Rêxistina Biryargeha Şoreşger jî 36. salvegera damezrandina PKK’ê pîroz kir.

Rêveberiya Biryargeha Şoreşger, di peyama ku ji Komîteya Rêveber a PKK’ê re şand 36. salvegera damezrandina PKK’ê pîroz kir. Di peyamê de wiha hat gotin, “Partiya we û gelê we yê di pêşengiya we de dikevin saleke nû ya têkoşînê. Di salan derbasbûyî de û 36 salên têkoşînê yên bi serkeftinan, em li hember ala azadiyê ya gelê Kurd ku bi xwîna nirxên pîroz ên şehîdên we û têkoşîna mezin a şervanên we bilind dibe, bi rêz xwe ditewînin.

Şoreşa Rojava ya têkoşîna 36 salan tacîdar kir, îro di bin êrîşên paşverûtiya emperyalîst û mêtinkariyê de ye. Lê belê pêşengiya şoreşgerî ya partiya we, bi biryardariya mezin a şervanên we yên jin û ciwan, bi tevlîbûna bihêz em dikarin bi hêsanî bêjin ku, di sala nû ya têkoşînê de wê serkeftin hem li Rojava û hem jî li tevayî parçeyan re li Kurdistanê dîsa şoreş pêk were.

Êdî berbanga Kurdistana Azad û Demokratîk derketiye.

Sala nû ya têkoşînê wê Rêberê Gelê Kurd Birêz Abdullah Ocalan û gelê Kurd bigihîne rojên azad.

Mezinbûna têkoşîna PKK’ê ya tijî serkeftin, tenê nûnertiya pêşeroja azad a gelê Kurd nake. Em bi vê bilindbûnê wek şoreşgerên Tirkiyeyî rexneya kêmasî û kêmbûna têkoşîna xwe jî dibînin.

Aşkera ye wê tevgera şoreşger a Tirkiye, van kêmasî û lewaziyên xwe derbas bike.

Di 36 salên serkeftinê yên derbas bûn û di 37 sala têkoşînê ya nû de, bi hêviya ku wê serkeftinê ji bo partiya we û ji bo şoreşa Kurd a di pêşengiya partiya we de bîne, em we pîroz û hembêz dikin.”