Meclîsa Medya Dîjîtal a Kurdistanê bi wesîleya salvegera komploya navneteweyî ya 9'ê Cotmehê ku li dijî Rêberê Gelê Kurd Abdullah Ocalan hate kirin, ji îro û pê ve li ser platformên medya dîjîtal bi navê 'Azadî wê bi ser bikeve' dest bi kampanya hashtagê bike.

Daxuyaniya li ser mijarê wiha ye:

"Weke Meclîsa Medya Dijîtal a Kurdistanê, bi komployeke navneteweyî di salvegera derxistina Birêz Abdullah Ocalan ji Sûriyeyê, kampanyaya Hashtagê ya ku em ê di hemû platformên medya dijîtal de bidin destpêkirin, wê 8’ê Cotmehê li gorî demjimêra Amedê 20.00’an destpê bike. 

Em ê bi dirûşma 'Azadî wê bi serbikeve' kampanya xwe birêve bibin, ji çar aliyên cîhanê bangên piştgiriyê hatin weşandin.

Dirûşma 'Azadî wê bi Serbikeve' li 30 welatan deng veda.

791 siyasetmedar, parlamenter, nivîskar, dîroknas, rojnamevan, sendîkavan, endamên hîndekariyê û akademîsyen ji bo azadiya Birêz Abdullah Ocalan piştgirî dan kampanyaya me ya Hashtagê.

Bi milyonan kes li çar aliyên cîhanê wê bi hevgirtina gelan a navneteweyî komployê têk bibin.

Em bang li hemû gelê xwe û dostên xwe dikin ku, bi awayek aktîf beşdarî kampanyaya Azadiya Birêz Abdullah Ocalan bibin."