Tedawiya malbata Kurd a 20'ê Tîrmehê li taxa Kavakli ya navçeya Altindagê ya Enqerê êrîşa nîjadperestî lê hatibû kirin didome. Ji birîndaran Tûncer Boztaş û Halîs Boztaş li Nexweşxaneya Lêkolîn û Perwerdeyê ya Dişkapi Yildirim Beyazitê û Ferit Boztaş û Feyyaz Boztaş jî li Nexweşxaneya Enqerê tên ragirtin.

Endama Lijneya Rêveberiya Navendî ya Komeleya Mafê Mirovan (ÎHD) Nûray Çevîrmen û Hevserokê Şaxa ÎHD'ê ya Enqerê Fatîn Kanat çûn her du nexweşxaneyan û serdana birîndarên malbata Boztaş kirin û ji wan re şîfayê xwestin.

ÎHD'iyan ji malbatê re ragihandin ku wê pêvajoya derbarê wan de bişopînin.