Çalakiya rûniştinê ya ji bo azadiya Rêberê Gelê Abdullah Ocalan li pêşiya Konseya Ewrûpayê hatibû destpêkirin, di roja sêyemîn de li pêşiya Konseya Ewrûpayê didome.

Di roja sêyemîn a çalakiyê de ji herêmên Elmanyayê yên Dortmûnd, Essen, Bîelefeld, Stûttgart, Darmstadt; yên Swîsreyê Bern, Basel, St-Gallen û ji Fransayê jî bi tevlêbûna herêmên Allas û Lorenê didome.

Çalakvanan saet di 10.00’an de berê xwe dan Konseya Ewrûpayê 15 deqîqeyan slogan berz kirin.

Piştre berdevka TJK-E’yê Dilşa Osman li ser şehîdên Cotmehê civînek li dar xist. Di civînê de hemû şehîdên Cotmehê hatin bibîranîn.

HEVDÎTIN DIDOME

Heyeteke ji çalakvanan bi wesîleya Meclîsa Parlementeran a Konseya Ewrûpayê li avahiya Konseya Ewrûpayê dest bi hevdîtinan kirin.

Îro li ser Rojava pêşkêşiyek hate kirin û endamên heyetê bi parlementerên Ewrûpayê re civiyane.

Piştî nîvro tê payîn ku nûnerên saziyên civakî yên Îtalyan werin serdana çalakiya rûniştinê.