33 ciwanên li Efrînê perwerdeya xwe temam kirin, bi merasîmekî tevlî refên YPG'ê bûn.

Li Efrînê, 33 ciwanên di dewreya perwerdeyê ya bi navê Ş. Sîwar a Akademiya Ş. Xebat de perwerdeya bingehîn dîtin, bi awayekî serketî mezûn bûn û bi merasîmeke leşkerî tevlî refên YPG'ê bûn.

Ciwanan di dewreya perwerdeyê de, ji aliyê leşkerî û îdeolojîk ve xwe perwerde kirin. Merasîma leşkerî ya mezûniyetê jî, bi deqeyeke rêzgirtinê ji bo bîranîna cangoriyên şoreşê destpê kir.

Fermandarê YPG'ê yê li merasîmê axivî bal kişand ser gef û êrîşên Şoreşa Rojava pê re rû bi rû ye û bang li hemû ciwanan kir, ku bi berpirsyariya parastina gel û xaka xwe rabin.

Li dû axaftinê, 33 ciwanên mezûn bûn soza dilsoziya bi şoreş û nirxên gel dan û tevlî nava refên YPG'ê bûn.