Îzzettîn Sevîlgen 14’ê hez3irana 1992’yan li navçeya Dihê ya Sêrtê ji aliyê Dadgeha Ewlekariyê ya Dewletê (DGM) ve bi îdiaya “endamtiya rêxistinê” û “xerakirina yekitî û tevahiya dewletê” cezayê heta bi hetayê lê birî. Sevîlgen 15’ê Hezîrana 1992’yan cezayê xwe xelas kir. Lê belê berdana wî bi hinceta “lêferzkirina poşmantiyê” bi 3 mehan, bi 4 mehan, bi 5 mehan û bi 6 mehan hat taloqkirin. Sevîlgen ê ku “lêferzkirina poşmantiyê” red kir duh bi şev ji Girtîgeha Gîresûnê ya Tîpa E’yê hat berdan. 

Sevîlgen îro li Sêrtê bi girseyî hat pêşwazîkirin. Sevîlgen di şahiya pêşwaziyê de axivî û got: “Hevalên me yên li girtîgehan li ber xwe didin. Silavan li we hemûyan dikin. Hêviya me ew e ku hemû heval bên berdan. Hûn hemû bi ser çavê min re hatine.” 

Piştî axaftina Sevîlgen dengê çepik û tîlîliyan olan da û kevok hatin firandin. 

DI GELEK GIRTÎGEHAN DE MAYE

Sevîlgen ku 15’ê hezîrana 1992’yan tê binçavkirin, 40 rojan di bin çavan de tê hiştin û paşê ji aliyê DGM’a Amedê ve tê girtin. Heta niha li Sêrt, Amasya, Îzmîr, Şirnex, Erzirom û Gîresûnê di girtîgehê de maye.