Navenda Çapemeniya YPG’ê ragihandin ku bajaroka Eyn Îsa ketiye kontrola YPG’ê.

Daxuyaniya YPG’ê ya têkildarî mijarê wiha ye:

“Hêzên me li hember êrîşên çeteyên DAIŞ'ê ya roja derbasbûyî li ser xetekî direj a ji Kobanê heta Hesekê direj dibe berxwedaneke mezin û dîrokî nîşan dan. Piştî êrîşên çeteyan duh pişt nîvro piranî hatin şkandin, hêzên me êrîşên dij û operasyonên xwe destpê kirin. Di çarçoveya van operasyonan de komekî çeteyan a di nava bajaroka Eyn Îsa de hatibû dorpeçkirin jî hatiye tinekirin û bajarok bi temamî ji çeteyan hatiye paqijkirin.

Bi vî awayî ev êrîşên berfireh û dijwar a çeteyên DAIŞ'ê ya ku ew demekî direj û bi amadekariyên mezin plankirî bûn ji aliye hêzên me ve bi temamî hatine şkandin.”