Ji wekîlên jin ên HDP'yî Gulser Yildirim, ku bi operasyonên qirkirina siyasî hat girtin, bi rêya telefonê bi hevserê xwe Kamûran Yildirim re axivî û li ser şert û mercên ew di nav de ne, agahî da. Yildirim diyar kir, tevî Hevseroka Giştî ya HDP'ê Fîgen Yuksekdag, Hevşaredara Bajarê Mezin a Amedê Gultan Kişanak û Berdevka Demî ya KJA'yê Ayla Akat Ata re li girtîgeha Tîpa F ya taybet a Hejmara 1. a Kandirayê, di hucreyên yek kesî de tecrîdkirî ne.

Kamûran Yildirim têkildarî axaftina bi telefonê, ku roja Înê hat kirin, ev agahî da: "Xanima Gulser anî ziman, ku ew tecrîdkirî ne, danûstandin, têkiliyên wan bi her awayî qedexe ne. Diyar kir, ku tevî Fîgen Yuksekdag, Ayla Akat û Gultan Kişanak ew li hucreyên ji yek şexsî tên girtin.

'BERXWEDANA ME WÊ DEWAM BIKE'

Yildirim da zanîn, ku Cîgirê Serokê Koma HDP'ê Îdrîs Balûken û parlamenter Ferhat Encu jî li heman girtîgehê di nava tecrîdê de ne."

Hevser Yildirim got, "Xanim Gulser got, di nava her şert û mercî de ew ê berxwedana xwe bidomînin û ti carî serî netewînin."

Yildirim, ji bo piştgiriya Gulser Yildirim û parlamenterên din bal kişand ser girîngiya şandina name û kartan û bang li her kesî kir ku bi baldarî nêzî vê rewşê bibin.