Serokê Yekîtiya Nîştimanî ya Kurdistan (YNK) Bafil Talebani tekildarî êrişên çekdarên hikûmeta demkî ya Şamê li dijî taxên Şêxmeqsûd û Eşrefiyê li ser hesabê xwe yê X’ê peyamek weşand.

Bafil Talebanî got: “Hêvîdarim hemû alî xwe aramiyê hilbijêrin, bi jîrane li hember bûyeran tevbigerin, bi rêya diyalogê û berpirsiyarî pirsgirêkan çareser bikin.”

Di peyama xwe de Bafil Talebanî got; “Em bi dilgiranî bûyerên Şêxmeqsûd û Eşrefiyê dişopînin, di vê dema giran û dijwar de dilê min li cem gelê me yê Rojavayê Kurdistanê ye.

Hêvîdarim hemû alî xwe aramiyê hilbijêrin, bi jîrane li hember bûyeran tevbigerin, bi rêya diyalogê û berpirsiyarî pirsgirêkan çareser bikin. Ez piştgiriya her cûre hewldanek ji bo asayîkirina rewşê û çareseriya aştiyane ya pirsgirêkan dikim.”