Komîsyona Azadiya Çapemeniyê û Parastina Mafên Rojnamevanan a Sendîkaya Rojnamevanan a Herêma Kurdistanê, têkildarî nûçegihanê RojNewsê Wedat Hisên Elî yê duh li Duhokê hat revandin û bi îşkenceyê hat qetilkirin, daxuyaniyeke nivîskî weşand.

Di daxuyaniyê de hat gotin, "Rojnamevanên şerê li dijî çeteyên DAIŞ'ê radigihînin, ev demeke tên astengkirin. Roja 13'ê Tebaxê agahî hat, ku xebatkarê Ajansa Nûçeyan a RojNewsê Wedat Hisên Elî li Duhokê bûye hedefa êrîşeke terorîstî. Ev êrîşa terorîstî ya li hemberî rojnamevan Wedat Hisên Elî, birînên mlabata rojnamevanan careke din vekir." Di daxuyaniyê de hat destnîşankirin, ku vê êrîşê mafên rojnamevanên Kurdistanî û azadiya wan yekser binpê kiriye.

Daxuyaniyê wiha dewam kir: "Weke Sendîkaya Rojnamevanan a Herêma Kurdistanê em ji Hikûmeta Herêma Kurdistanê, Wezareta Karên Hundir, hêzên polîs û asayîşê dixwazin ku vê bûyerê di demeke kurt de ronî bikin û sûcdaran radestî edaletê bikin."