Rêveberiya  Asayîşa Kobanê diyar kir ku duh 3 endamên Asayîşê dema mayînên çeteyan bê bandor dikirin, mayîn di wan de teqiyan û jiyana xwe ji dest dan.

Rêveberiya Asayîşa Kobanê  bi daxuyaniyekê nasnameya sê endamên Asayîşê yên dema li gundên hatine rizgarkirin mayînên çetyeyan bê bandor dikirin da ku jiyana welatiyên herêmê biparêzin, jiyana xwe ji dest dane aşkera kir.

Daxuyaniya rêveberiya Asayîşa Kobanê wiha ye:

“Endamên me bi rêxistina rakirina mayînan a girêdayî Asayîşa Kobanê kar dikirin. Gelek mayînên ku çeteyan di herêmê di bi cih kiribûn bê bandor kirin, kanton û gel ji gelek ziyana madî û canî rizgar kirin. Endamên me bi ruhê berpirsyariyê mayîn radikirin heta gihiştin şehadetê. Tevî xeteriya karê rakirina mayînan dizanîbûn jî dest ji kar barnedan.ˮ

Sicîla endaman wiha ye:

 

Nav û Paşnav: Mihemed Sadiq Bozan

Navê Dayikê: Ferîde

Navê Bav: Sadiq

Cih û Dîroka Jidayikbûnê: gundê Zuxir- /1982

Cih û Dîroka Şehadetê: 7’ê Tîrmehê 2015- gundê Sarûc/Kobanê

 

Nav û Paşnav: Muslim Mihemed

Nasnav: Zemanî

Navê Dayikê: Edla

Navê Bav: Osman

Cih û Dîroka Jidayikbûnê: Gundê Helinc ê Kobanê/ 1972

Cih û Dîroka Şehadetê: 7’ê Tîrmehê 2015- gundê Sarûc/Kobanê

 

Nav û Paşnav: Ebdulrehman Hemedî

Navê Dayikê: Fatma

Navê Bav: Mihemed

Dîroka Jidayikbûnê: 1983

Dîroka Tevlîbûnê: 2014

Cih û Dîroka Şehadetê: 7’ê Tîrmeha 2015- gundê Sarûc/Kobanê