Polîsên tevgera taybet, tevî ku biryara lêgerîna li malê tinebû hewl dan bikevin hundirê xaniyê Parlamenterê HDP'ê yê Şirnexê Ferhat Encu tê de bû. Encu nerazîbûn nîşanî vê rewşê da û xwest biryara lêgerînê nîşanî wî bidin. Li ser vê yekê polîsên Tirk gef li Encu xwarin û jê re gotin, "Em dewlet in, em dikarin te li erdê dirêj bikin."

Avahiya li taxa Suryanî ya Hezexê, ku Parlamenterê HDP'ê Ferhat Encu û rojnamevan tê de bûn, ji aliyê polîsan ve hat dorpêçkirin. Polîsan gotin ku ew ê bikevin hundir û lêgerînê bikin. Encu nerazîbûn nîşanî polîsan da û jê xwest biryara lêgerînê nîşanî wî bidin.

Li ser vê yekê polîsên Tirk gef li Encu xwarin û jê re gotin, "Em dewlet in, em dikarin te li erdê dirêj bikin."

Piştî ku biryara lêgerînê hat, polîsên tevgera taybet ên Tirk ketin hundirê avahiya ji sê qatan.