Li Nisêbînê, welatiyek ji aliyê polîsên Tirk ve hat qetilkirin.

Li navçeya Mêrdîn Nisêbînê, terora polîs û leşkeran a bi qedexeya derketina derve re destpê kir, didome.

Di encama êrîşên polîs û leşkeran de li Taxa Firatê, welatiyê bi navê Ahmet Sonmez ê 50 salî jiyana xwe ji dest da, Mûsa Akçîn ê 75 salî jî birîndar bû.

Hat ragihandin ku cenazeyê Sonmez li erdê ye û ji ber sekvanan cenaze nikare bê rakirin.

HEYETA HDP'Ê HAT ASTENGKIRIN

Di vê navberê de, heyeta HDP'ê ku Parlamenter Enîse Guneylî û namzetê parlamenteriyê yê HDP'ê yê Mêrdînê Erol Gurel jî di nav de ye, xwest bikeve nava navçeyê, lê belê ji aliyê polîsan ve hat astengkirin.