Li herêma navbera navçeyên Xozad û Pulur ên Dersîmê, duh danê sibehê gerîlayan êrîşî qereqola Karaoglanê kirin. Piştî vê çalakiyê operasyon hat destpêkirin û heta danê êvarê dewam kir. Li ser hejmara leşkerên mirî û birîndar ên dema çalakiya li dijî qereqolê agahiyeke zelal bi dest neket. Di navbera leşkerên derketin operasyonê û gerîla de şerekî dijwar qewimî.

Şer heta danê êvarê dewam kir û li bejahiya gundê Pakire yê Xozadê belav bû. Di dema şer de helîkopteran jî bombe li herêmê barandin.

Wekî din balafirên şer ên ji Balafirgeha Elhaç a Meletiyê rabûn, bombe li bejahiya Geliyê Balî barandin.