Fermandariya Giştî ya Hêzên Sûriyeya Demokratîk (QSD) bi daxuyaniyeke çapemeniyê ragihand, ku wan bi navê 'Xezeba Firatê' dest bi pêngava rizgarkirina Reqqayê kirine.

Di daxuyaniyê de hat gotin: "Ji bo gelê me yê bendewar û qehreman li bajarê reşîd ê Reqayê. Em wekî fermandariya QSD’ê  mizgîniya hemleya xwe ya leşkerî  ji bo rizgarkirina bajarê Reqayê û bejahiya wê ji hêzên terorê yên cîhanî ku DAIŞ`ê nûnertiya wê dike û ji xwe re qaşo wekî payetexta  dewleta xwe bi nav dike, dest pê dikin. Hemle ji 05.11.2016 roja Şemiyê nîvê şevê dest pê kir. Ji bo rêvebirina operasyona rizgarkirina Reqayê û koordînekirina navbera hêzên beşdar û eniya şer, odeya çalakiyê bi navê Xezeba Firatê hate avakirin.

Bi vê boneyê em ji hêzên demorkratîk ên cîhanê, gelên herêmê, gelê me yê Sûriyeyê û taybet gelê me yê li Reqayê tekez dikin operasyona Xezeba Firatê wê bi israr bimeşe da ku bigihêje armanca xwe. Em ê paytexta terora cîhanî DAIŞ dorpêç bikin û birûxînin.  Em ê di vî şerê ku ji bo me pir girînge bi serkeve, çawa ku em li Kobanê, Girê Spî, Hesekê, Hol, Şedadê û Minbicê bi serketin, em ê di vê hemelya xwe de biserkevin.

Wê Reqa bi saya şervan û hêzên xwe ku ji kurd, ereb û turkmen pêk tê, qehremanên di bin sîwana QSD`ê de, bi beşdarbûneke aktîv ji YPG/YPJ`ê û bi awayekî kordîneyî  bi Koalîsyona Navneteweyî, rizgar bibe.

Em bang li hêzên Navneteweyî û herêmî yên ku ji terora DAIŞ`ê zerar dîtine dikin, ku beşdarî vê operasyonê bibin da ku di rûmeta dawîkirina navenda terora cîhanî de bibin xwedî par. Beşdarbûn jî bi riya destekdayîna lojîstikî, menewî û siyasî ji hêzên ku wê beşdarî operasyona rizgarkirinê bibin. Her wiha em ji saziyên mirovahî û alîkarî dixwazin erka xwe ya mirovahî der barê gelê me yê li Reqayê ku wê ji terora DAIŞ`ê rizgar bibe, pêk bînin.

Di dawiyê de, em bang li gelê xwe yê qehreman dikin ku dûrî bargehên dijmin bikevin û ber bi herêmên ku wê bên rizgarkirin ve werin û tevlî hêzên me bibin. Ji ber ku bargehên dijmin wê bibin hedefa hêzên me û hêzên Koalîsyonê."