Navenda Çapemeniya YPG’ê bi daxuyaniyekê nasnameya 3 şervanên YPG’ê yên di pevçûnên Kantona Kobanê de jiyana xwe ji dest dane aşkera kir.

Daxuyaniya navenda Çapemeniya YPG’ê wiha ye:

ˮQonaxa ku Rojavayê Kurdistanê têde derbas dibe bê guman gelek bi wate û bi nirx e, asta têkoşîna em têde ne gihiştiye asta herî bilind êdî me ji bo gelê xwe serketinên dîrokî qezenc kirine û ya tê xwestin parastin û xwedîderketina li nirxê şoreşê û şehîdan e.

Şervanên me roj bi roj bi dilsozbûna wan canê xwe feda dikin da ku Rojavayê Kurdistanê bi aramî û bi rengekî ewle bijîn. Îro hevrêyê me yê giranbuha li pey xwe navekî mezin hişt ji bo doza welat û parastina gel gihişt şehadetê, ew hevrê Xeyrî bû, hevalê me yê bi rûmet di destpêka berxwedana efsaneyî ya Kobanê de cihê xwe girtibû, bi fermandariya xwe ya durist û rêzan dikarîbû di berxwedana Kobanê de navekî xwe yê mezin bihêla, hevrê Xeyrî ne tenê fermandarê leşkerî bû ew fermandarê jîn û jiyanê bû ,bi tekoşîne xwe jiyan bi wate dikir û têkoşîn gurtir dikir.

Tevî hevrê Xeyrî du hevalên me yê din di destana Rojava de xwîna xwe rijandin û destana şoreşê bi qehremanî û wêrekbûna wan zivirandin, ew her du heval Şehîd Xebat û Şehîd Yilmaz bûn, şervanên roja giran bûn heya xwîna xwe ya dawiyê bi soza xwe re girêdayî bûn.

Sozê ku em her tim didin şehîdên xwe her deqe û her saniye em bi wan re nû dikin, têkoşîna wan ku ji me re hiştî em ê heya dawiyê şopdar bin. jJ bo hemû malbatên şehîdan em sersaxiyê dixwazin û hêviya azadiya bi rûmet hêvî dikin. ˮ

Nasnameya şervanan wiha ye :

Nasnav: Xebat Botan

Nav û Paşnav: Ehmed Dalmiş

Navê Dayikê: Narinc

Navê Bav: Mihemed

Cihê Jidayikbûnê: Cizîr

Cih û Dîroka Şehadetê: 6-7-2015 Eyn Îsa

 

Nasnav: Xeyrî Kato

Nav û Paşnav: Salih Yalçin

Navê Dayikê: Sarya

Navê Bav: Elî

Cihê Jidayikbûnê: Şirnex – Elkêh

Cih û Dîroka Şehadetê: 7-7-2015 Sirîn – gundê Mexasîn

 

Nasnav: Yilmaz Kobanê

Nav û Paşnav: Elî Ebrûş

Navê Dayikê: Selwa

Navê Bav: Ehmed

Cihê Jidayikbûnê: Kobanê – Mezra Erbûş

Cih û Dîroka Şehadetê: 4-7-2015 Kobanê – Bajarokê Sirrîn