Endamên meclîsa Şaredariya Yenîşehîrê yên DBP'yî, têkildarî xebatên xwe yên ji niha û pê ve, li avahiya DBP'ê ya navçeyê civîneke çapemeniyê lidar xist. Endamên Meclîsa Şaredariyê û Hevşaredara Yenîşehîrê Ulku Baytar tevlî civînê bûn.

Ulku Baytar li civînê axivî û diyar kir, tayînkirina qeyûm li şaredariyê, êrîşa li dijî vîna gel e. Baytar got, "Bi Biryarnameyên di Hukmê Qanûnî de, hemû qanûn tên binpêkirin. Nepêkan e ku em qeyûmê li şaredariyê hatiye bicihkirin, qebûl bikin."

Di daxuyaniyê de hat ragihandin, koma meclîsê ya DBP'yî wê civînên xwe ji niha û pê ve li avahiya DBP'ê ya navçeyê lidar bixe.

Piştî daxuyaniyê, endamên meclîsê civîna xwe ya destpêkê pêk anîn.