Bi wesîleya 32. salvegera pêngava 15'ê Tebaxê, Meclîsa Jinên Êzidî yên Şengalê li çiyayê Şengalê daxuniyek da çapemeniyê.

Daxuyani ji aliyê Dayê Neam ve hate xwendin. Dayê Neam got: "Îro roj roja vejinê ye, vejîna gelê Kurd û civaka Êzidiyan e. Em hemû şehîdên şoreşê, yên fermanê û Êzidîxanê bi bîr tinin."

Dayê Neam destnîşan kir, divê cîhan hemû zanibe îro bi mîlyonan şodarên rêya Egîdin, bi hezaran keç û ciwanan çeka wî hildane ser milan û li her cihî ji bo azadî û wekheviyê şer dikin. Dayê Neam wiha pêde çû: "Îro bi sedan Egîdên nû li çiyayê Şengalê tên perwerdekirin. Kesên bi rastî jî azadiyê dixwazin, divê rê û doza Egîd û ruhê 15'ê Tebaxê bişopînin."

Dayê Neam da xuyakirin, ku îro cejn e, cejna vejînê ye û ew vê rojê pîroz dikin. Dayê Neam got, "Bi saya şervanên Egîd em ji fermanê xilas bûn. Bi ruhê wî em hatin rizagrkirin. Bi Egîdan me xwe û fikrê PKK'ê nas kir."

Dayê Neam di dawiya axaftina xwe de got, "Wê civaka me ya Êzidî jî mîna hemû cîhanê azad bibe û mafên xwe bi dest bixe. Bi ruhê Egîdan Minbic ji çeteyên DAIŞ'ê hate rizgarkirin. Em rizgarkirina Minbicê li mirovahiyê û gerîlayên li çiyayê Azad pîroz dikin."