Êrîşa bombeyî ya li hemberî ciwanên Sosyalîst ên ji bo tevlî karê ji nû ve avakirina Kobanê bibin li Pirsûsê bûn, li paytexta Swêd Stockhomê saet di 18:00 de hat protestokirin.

Di xwepêşandana li Meydana Sergelê de çeteyên DAIŞ'ê û hikûmeta AKP'ê ya destekê dide çeteyan bi hêrseke mezin hatin şermezarkirin. Kurdistanî û dostên wan ên tevlî çalakiyê bûn, bi qîrîna dirûşmeyan DAIŞ û Hikûmeta AKP protesto kirin.

Nûnerên rêxistinên civakî yên sivîl ên di komkujiyê de axivîn diyar kirin ku berpirsyarê komkujiyê Hikûmeta AKP a destekê dide DAIŞ'ê ye. Bang Hikûmeta Swêdê û saziyên navneteweyî kirin ku li hemberî polîtîkaya Tirkiyeyê helwestê nîşan bidin.

Di çalakiyê de alên PKK, KCK, PJAK, PYD û wêneyên Rêberê Gelê Kurd Abdullah Ocalan hatin hildan.

Her wiha YPG'yî Jesper Soder ê li Rojava birîndar bû û ji bo tedawî bibe hat Swêdê, beşdarî xwepêşandanê bû.

Soder ji ANF'ê re peyivî û komkujî lanet kir. Soder destnîşan kir ku kengî tedawiya wî qediya ew ê biçe Rojava ji bo li dîjî çeteyên DAIŞ'ê şer bike.