Li Taxa Yeşilyurtê ya Şirnexê, gel bi berxwedanê polîs û tîmên taybet ji taxê dûrxistin û dest bi nobeta parastina taxê kirin. Şêniyên taxê, nobeta parastina taxê bi tevlîbûna wekîlên HDP'ê berdewam dike.

Duh serê sibê polîs û tîmên taybet bi ser Taxa Yeşîlyurtê ya Şirnexê de girtin û 2 welatî qetil kirin. Gelek welatî jî birîndar kirin. Şeniyên taxê piştî polîs û tîmên taybet ji taxê dûr xistin dest bi parastina taxê kirin. Şênî, wekilên HDP'ê yên Şirnexê Faysal Sariyildiz, Leyla Birlik û Aycan Îrmez û nûnerên saziyên sivîl ên civakî jî tevlî çalakiya nobetê bûn.