Navenda Çapemeniyê ya YPG'ê daxuyaniyeke nivîskî weşand û ragihand, komên çete El Nûsra û Ehrar el Şam êrîşî taxa Şêxmeqsûd a Helebê kirin.

Li gorî daxuyaniyê, hêzên YPG/YPJ'ê di cih de bersiv dan êrîşê û di şerê li vir de 1 jê serçeteyê El Nûsra 16 çete hatin kuştin.

Di daxuyaniyê de ev agahî hatin dayîn: "Sibeha 16'ê Sibatê, çeteyên El Nûsra û Ehrar el Şam, êrîşî taxa Şêxmeqsûd a Helebê kirin. Hêzên me di cih de bersiv dan êrîşên komên çete û êrîş sekinandin. Di şerê dijwar ê li vê derê de maşîneke doçka li ser hat rûxandin. Di encama şer de yek jê emîrê El Nûsra 16 çete hatin kuştin.

2 ŞERVAN ŞEHÎD KETIN

2 hevalên me yên di şikandina êrîşa çeteyan de bi roleke girîng rabûn, şehîd ketin."