Di şerê ku li Taxa Şêx Maqsûdê berdewam dike de 60 endamên çeteyên El Nûsra û hevkarên wan ên ku AKP/Erdogan pişgirî dike hatin kuştin û herî kêm 100 çete jî hatin birîndarkirin.

Çeteyên El-Nusra, Ehrar El-Şam û hevalbendên wan bi hemû hêza xwe bi hemû cureyên çekên giran êrîşî taxa Şêxmeqsûd dikin û sivîlan hedef digrin.

Niha şer li Çerxereya Cendûl û Kastîlo a li Rojhilatê Şêx Meqsûd diqwime . Li gorî agahiyên ku hatin ragihandin, di şerê 4 rojên derbasbûyî de li vê qadê 60 çeteyên El-Nusra û hevalbendên wê hatin kuştin, her wiha zêdetirî 100 çete jî birîndar bûne.

Şer li derdora Taxa Şêx Meqsûd û Taxa Eşrefiyê di asteke pir dijwar de dewam dike. Ji ber vê yekê TEV-DEM’ê û nûnerên pêkhateyên taxê ji bo tevlîbûna berxwedaniya li hemberî çeteyan banga seferberiya giştî kirin.