Li navçeya Mêrdîn Qoserê, welatiyên li taxa Mezopotamyayê li hev civiyan, bi armanca şermezarkirina komploya navneteweyî ya 15'ê Sibatê, çalakiyek lidar xistin.

Piştî nîşandana sînevîzyonê li Mala Gel a Mezopotamyayê, welatiyan bi meşaleyan dest bi meşê kirin. Di dema meşê de dirûşmên "PKK gel e gel li vir e", "Bijî Serok Apo" hatin qîrîn.

Girseya gel dema gihaşt taxa Ersoyê, polîsên Tirk êrîşî wan kirin.

Polîsan bi ava şid, gaza îsotê û fîşekên plastîk êrîş kirin. Gel jî bi kevir û molotof kokteylan bersiv da êrîşa polîsan.