Di pêşengiya Însiyatîfa Xwendevanên Demokrat de ji bo daxwaza azadiya Rêberê Gelê Kurd Abdullah Ocalan meşek hat lidarxistin. Di meşê de bi hezaran xwendevanên dibistanên Qamişlo, xwendevanên Zanîngeha Rojava, mamosteyên TZP’ê û nûnerên saziyên sivîl ên bajêr amade bûn.

Xwendevan li Çerxerêya Şehîdên Enternasyonalîst ya Taxa Enteriyê kom bûn. Meşvanan Posterên Rêberê Gelê Kurd Abdullah Ocalan, wêneyên têkoşeran, alên TEV-DEM û alên Yekîtiya Ciwanên Rojava (YCR) hilgirtin.

Di meşê de pankartên ʺEger tu nebe, kî? Niha nebe, kengî?ʺ û ʺBi ruhê tolhildana ciwantiyê, parçe bikin pergala Îmraliyêʺ ku bi zimanê Erebî û Kurdî hatibûn nivîsandin hatin vekirin.

Xwendevanan ji çerxeriyê dest bi meşê kirin, bênavber dirûşmeyên ʺBê Serok Jiyan Nabeʺ, ʺFaşîst Erdoganʺ, ʺBerxwedan, Tolhildanʺ  berz kirin û heta Çerxerêya Mehetê ya li nêzî xeta sînor a di navbera Qamişlo û Nisêbînê meşiyan.

Di meşê de axaftin hatin kirin û çalakî bi dirûşmeyan bi dawî bû.