Navenda Ragihandin û Çapemeniyê ya HPG’ê têkîldarî êrîşên artêşa Tirk û çalakiyên hêzên gerîlayan de agahî da. Li gor daxuyaniya HPG’ê, hêzên gerîlayan li Oremarê çalakiyek li dar xistin. Li Agirî û Herêmên Parastinê yên Medyayê tevgera hewayî çêbû.

LI TENDUREKÊ BOMBERDÛMAN

Li gorî daxuyaniya HPG’ê balafirên şer ên Tirk ev sê roj in herêma Tendurek a Agirî bomberdûman dikin.

LI OREMARÊ ÇALAKÎ

Di daxuyaniyê de têkîldarî çalakiya hêzên gerîla ya 30’ê Mijdarê de li Oremarê ev agahî hatin dayîn:

“30’ê Mijdarê saet 12.00-12.30’an li hember leşkerên li derdora girê Şehîd Zerdeşt ên li sînorê herêma Oremar a girêdayî navçeya Gever a Colemêrgê hatine bicihkirin, hêzên gerîlayên me çalakiyek li dar xistin. Di vê çalakiyê de hejmara mirî û birîndaran nehate zelalkirin. Piştî çalakiyê artêşa TC, Girê Şehîd Rahîme, Dola Şehîd Rahîme û sêgoşeya Şatûnis da ber obus û hawanan.”

LI METÎNA Û AVAŞÎN BOMBERDÛMAN

Navenda Ragihandin û Çapemeniyê ya HPG’ê da xuyakirin ku li herêmên Metîna û Avaşîn bomberdûman berdewam dikin.

Di daxuyaniyê de ev agahî hatin dayîn: 

“30’ê Mijdarê saet 14.30-15.00’an qereqola Arûş a li xeta sînorê herêma Metîna ya Herêmên Parastinê yên Medyayê; girê Şehîd Dîlber, saet 16.00-16.30’an qereqola Elemûn; dîsa herêma Şehîd Dîlber da ber obus û hawanan.

30’ê Mijdarê saet 11.00-12.00’an artêşa TC a li xeta sînorê herêma Avaşîn; girê Şehîd Gafûr da ber obus û hawanan.

30’ê Mijdarê saet 10.00-15.00’an li ser herêma Avaşîn, saet 08.00-13.00’an li ser herêma Zapê yên Herêmên Parastinê yên Medyayê pêgerên hewayî yên keşfê geriyan.”