Li semta Yenîmahalle ya navçeya Hezexê ku êrîşên dijwar pêk tên, gelek mal bi topbaranê hatin hilweşandin
 
Êrîşên hêzên dewleta Tirk ên li ser navçeya Hezex a Şirnexê hatine destpêkirin bê navber di roja 5’emîn de dewam dike. Li hember taxan bi awayekî dijwar top tên bikaranîn, li Yenîmahalleyê Selîm Dogan (47) û kesekî navê wî nehat zanîn hatin binçavkirin.

Her wiha hêzên dewletê li hember taxên Yenîmahalle û Tûrgût Ozalê topbarana xwe didomîne. Ji gelek malên ku bombe lê ketî dûman bilind dibin, gelek malên li derdora Dibistana Seratayî ya Fatîh a li Yenîmahalleyê jî bi topbaranê ji aliyê hêzên dewletê hatine hilweşandin.