Hêzên YPG/YPJ'ê yên bajarê Hesekê bi temamî ji çeteyên DAIŞ'ê paqij kirin, li bajêr demeke nû dan destpêkirin. Li nuqteyên stratejîk ên bajêr YPG'ê çeperên xwe xurt kirin û li taxa Neşwa jî xebatên avakirina navenda asayîşê destpê kirin.
Piştî ku hêzen YPG/YPJ'ê, baregehên dawî yên çeteyên DAIŞ'ê yên li taxa Newşa ji holê rakirin û Nexweşxaneya Zarokan a Zanîngehê û qada futbolê paqijkirin, li bajarê xebateke berfireh destpê kir. Li taxê rêxistinbûyîna hêzên asayîşê destpê kir.
Rayedarên YPG/YPJ'ê dan xuyakirin ku piştî temambûna xebatên lêgerîn û paqijkirinê, gelê herêmê yê neçar ma koç bike, wê karibin li malên xwe vegerin.
