Navenda Ragihandin û Çapemeniyê ya HPG'ê da xuyakirin ku bomberdûmana artêşa Tirk a li hemberî Herêmên Parastinê yên Medyayê dewam dike. Di daxuyaniyê de hat ragihandin, ku tevgera balafirên keşfê yên li Zap û Metîna jî didomin.

Navenda Ragihandin û Çapemeniyê ya HPG'ê ev agahî bi raya giştî re parve kir:

LI AVAŞÎNÊ BOMBERDÛMAN

"Ji saet 17:30 ê 2'ê Kanûnê heta saet 05:00 ê 3'ê Kanûnê (îro), artêşa Tirk a li derdora girê Şehîd Zerdeşt ê Avaşînê bi cih bû; derdora xwe, roja 2'ê Kanûnê saet di navbera 20:00-21:00 de jî bi tank, hawan û obusan qada Şehîd Rahîme bombe kir.

TEVGERA KEŞFÊ

2'ê Kanûnê saet di navbera 13:00-15:30 de qereqola Êrîş a li herêma Zapê obus û hawan avêt Girê Xeregolê.

2'ê Kanûnê saet di navbera 07:00-23:00 de li ser herêma Zapê, saet di navbera 10:00-15:00 û 20:00-22:00 de li herêma Garê, saet di navbera 11:00-15:00 û 16:00-18:30 de li herêma Metîna bi pêgerên hewayî yên bêmirov re keşif hatiye kirin. Her wiha roja 2'ê Kanûnê saet di navbera 08:00-10:00 de balafirên şer li ser herêma Zapê geriyan."