Navenda Ragihandin û Çapemeniyê ya HPG’ê diyar kir ku duh di navbera saet 17.00 û îro saet 07.00’an de li ser qadên Gostê û Arê yên li ser xeta herêma Xakurkê pêgerên hewayî yên bê mirov ên artêşa Tirk bi armanca keşfê geriyane.

HPG’ê di daxuyaniya xwe de ev agahî da: “Di navbera 17’ê Tîrmehê saet 20:00 - 21:00 û 18’ê Tîrmehê saet 10:00 - 13:00’an de li qada Çarçella, di navbera 17’ê Tîrmehê saet 00:00 - 16:00 û 18’ê Tîrmehê saet 04:00 - 07:30’î de li herêma Heftanîn û xeta sînor, dîsa 18’ê Tîrmehê saet di navbera 04:30 - 07:00’an de li ser xeta sînor a herêma Zapê pêgerên hewayî yên bê mirov ên artêşa Tirk keşf pêk anîne.

17’ê Tîrmehê saet di navbera 23:00 - 00:00 de li qada Şehîd Remzî ya li sêgoşeya di navbera Darahênê ya Çewlikê û navçeyên Pasûr û Licê yên Amedê de pêgerên hewayî yên bê mirov keşf pêk anîne.