Navenda Çapemenî û Ragihandinê ya HPG’ê der barê bomberdûman û tevgera hewayî ya artêşa Tirk daxuyanî da.

HGP’ê diyar kir ku balafirên şer herêmên gerîla bomberdûman kirine û wiha berdewam kir: “5’ê Cotmehê saet ji 08.30’an pê ve balafirên şer ên Tirk qûntarên Dola Kuto û Girê Spîrez ên girêdayî herêma Geliyê Xumarok a girêdayî navçeya Şemzînan a Colemêrgê bomberdûman kir.

5’ê Cotmehê saet di navbera 21.00-22.00’an de balafirên şer herêmên Kalê Perîxanê, Oremar, Mergê Zerê yên girêdayî navçeya Geverê ya Colemêrgê û mintiqa Girê Berxa ya li herêma Sumbul a girêdayî Colemêrgê bomberdûman kir.

5’ê Cotmehê saet di navbera 09.00-10.00’an de balafirên şer bejahiya gundê Stûnê ya li xeta sînorê herêma Avaşîn a Herêmên Parastinê yên Medyayê; saet di navbera 21.00-22.00’an de herêma Şehîd Gafûr bomberdûman kir.”

ÊRÎŞÊN OBUS, HAWAN Û TANKAN

HPG’ê der bir ku êrîşên topavêj ên Tirk jî didomin û ev agahî da:

 “5’ê Îlonê saet di navbera 06.00-07.00’an de qereqolên Tepê Çete, Tepê Remo û Şitaza yên li xeta sînorê herêma Zagrosê, herêma Mergê Zerê; qereqolên li xeta sînor jî ji sibeya 5’ê Cotmehê ve herêma Bînbîr da ber obus û hawanan.

5’ê Cotmehê saet di navbera 09.30-12.30’an û 19.00-19.30’an de qereqola Girê Sîvrî ya girêdayî qereqola Bezelê ya li xeta sînorê herêma Avaşînê, herêma Tepê Sor da ber obus û hawanan.

5’ê Cotmehê saet 16.30-18.30’an qereqolên Radar, Şiwan û Elcan ên li xeta sînorê herêma Heftanînê, girên Qesrokê û Partîzn; saet ji 18.30’an û pê ve qereqola Tepê Maymûn û Alaya Bojeh (Alaya Topavêj a Gulyaziyê), herêma Deriyê Dawetiya bi tank û obusan bomberdûman kir.”

TEVGERA HEWAYÎ BÊNAVBER DIDOME

Daxuyaniya HPG’ê wiha didome: “Ji 5’ê Cotmehê û vir ve li Herêmên Parastinê yên Medyayê li ser herêma Avaşîn; 5’ê Cotmehê saet di navbera 11.00-19.00’an û 21.00-00.00’an de li ser herêma Zapê; 5-6’ê Cotmehê saet 18.00-06.00’an li ser herêma Garê; saet di navbera 08.00-05.00’an de li ser herêma Qendîlê, pêgerên hewayî yên bê mirov geriyan.

5’ê Cotmehê saet di navbera 05.30-09.00’an û 21.00-22.00’an de li ser herêma Zapê, tevgera balafirên şer çêbû.”