Ciwanên Kurd ên li Ewropa di çarçoveya pêngava “Xwedî Derkeve” de meşek dirêj li dar dixe. Ciwan ji gelek bajarên Ewropa 7’ê Sibatê li bajarê Stûtgart ê Elmanya tên gel hev, bi şîara, “Bijî Azadiya Serokatî, Ber Bi Jiyana Xweserî” ve wê bimeşin bajarê Strasboûrg ê Fransa. Ciwan hedef dikin ku 13’ê Sibatê bigihêjin Strasboûrgê, li vir tevlî mîtînga ku li dijî Komploya Navneteweyî ya li hember Rêberê Gelê Abdullah Ocalan û êrîşên qirker ên dewleta Tirk tê lidarxistin bibin.

Roja yekemîn a meşa dirêj, saet 09.30’an bi daxuyaniyek çapemeniyê ve li Navenda Civaka Kurd a Stûtgartê despê kir, bi tevlîbûna sedan ciwanî ve Komploya 15’ê Sibatê hat protestokirin û li dijî êrîşên qirker ên AKP’ê berxwedana xwerêveberiyê hat silavkirin.

‘13’Ê SIBATÊ EM TEVLÎ MÎTÎNGA LI STRASBOÛRGÊ BIBIN’

Di daxuyaniyê li ser navê Komîteya Amedkar a Meşa Dirêj de hat diyarkirin ku ciwan heta 13’ê Sibatê nêzî 130 kîlometreyî wê ji bo azadiya Ocalan bimeşin. Di daxuyaniyê de ji bo meş û mîtînga 13’ê Sibatê li bajarê Strasbourg ê Fransa jî banga tevlîbûnê hat kirin.

Komîteya Meşê da xuyakirin ku wê gelê di pêşengiya YPS/YPS-Jin li ber xwe dide bê silavkirin.

Ciwan hedef dikin ku roja yeke 15 kîlometreyan bimeşin û bigihêjin bajarê Lûdwîgsbûrgê. Piştî meşa roja yekemîn jî wê semîner bê dayîn.