Li bajarên Ewropayê komkujiya li Pirsûsê  ku ji 30’yî zêdetir ciwanên sosyalîst jiyana xwe ji dest dan, tê protestokirin. Di çalakiyê de hat diyarkirin ku komkujî bi hevkariya DAIŞ û AKP’ê pêk hatiye û banga bilindkirina têkoşînê hat kirin.

FRANKFURT

Li bajarê Frankfurt a Elmanyayê li ber Haupbannhof  500 Kurd û endamên Yekîtiya Hêza Demokratîk hatin cem hev.  Alên PYD, YPG-YPJ’ê hatin hildan û dirûşeyên ‘tolhildan’, ‘Kujer AKP, Kujer DAIŞ’ hat berzkirin.

Girseyê li ber Romer Platzê mîtîng pêk anî.  Mîtîng bi sirûda Ey Reqîp û  deqeyek rêzgirtinê dest pê kir. Endamê Navenda Civaka Demokratîk a Hanau Kamîl Tekdal axivî û got kes nekare wan tê bibe û got ewê hesabê êrîşê ji DAIŞ û AKP’ê bipirsin.

Li ser navê NAV-DEM’ê Salîh Cizîrî axivî û hikûmeta AKP’ê nîşand da û got: “Yên ev komkujî pêk anîne yên gotine ‘PYD ji DAIŞ’ê xetertire. Emê li dijî komkujiyê bêdeng nemînin.”

Li ser navê Meclîsa Jinan a Amara Delal Yaman jî axivî û got DAIŞ û AKP li dijî Kurd û hemû gelan dijminin.

Hevserokê AGÎF’ê Mesut Duman jî got wê hesabê komkujiyê bipirsin.

STRASBOURG

Li Strasbourg a Fransayê jî  li dijî komkujiyê li qada Kleber mîtîngek pêk hat. Di mîtîngê de daxuyaniyek hat dayîn û hat diyarkirin ku hêzên serketina Kurdan qebûl nakin serî li her rê didin.

Mazlum Koku li ser navê girseyê axivî û got ev plana hevkar a AKP û DAIŞ’ê ye û got wê hesab bipirsin.

Roja Şemiyê li ber Sefaretxaneya Tirk wê komujiya Pirsûsê bê protestokirin.