Kampanya alîkariyê ya ji bo gelê Şengal, Kobanê û tevahiya Rojavayê Kurdistanê, ku bi pêşengiya Şaredariya Dêrsimê li gelemperiya bajêr hat destpêkirin, dewam dike.

Alîkariya ku heta niha di çarçoveya kampanyayê de hat berhevkirin, ji hewcedaran re hat şandin. Desteka karsazên li bajêr jî dewam dike.

WÊ LI FESTÎVALÊ JÎ DEWAM BIKE

Alîkariya beriya niha li avahiya xizmetê ya Hevserokatiya Şaredariya Dêrsimê dihat berhevkirin, wê ji niha û pê ve li buroya piştgiriyê ya bi pêşengiya Hevserokatiya Şaredariya Dêrsimê hat vekirin, were komkirin. 

Kampanya alîkariyê ya ji bo gelê Şengal, Kobanê û tevahiya Rojavayê Kurdistanê, wê di 15. Festîvala Çand û Xwezayê ya Mûnzûrê de jî dewam bike.