Li navçeya Cizîrê ya Şirnexê koma ku bi armanca şermezarkirina tecrîda li ser Rêberê Gelê Kurd Abdullah Ocalan, li ser kolana Hezexê kom bûn û rê li trafîkê girtin, rastî mudaxaleya polîsan a bi bombeyên gazê hatin. Komê jî bi fîşekên hewayî bersîv da û polîsan xwe paşve kişandin.

Li navçeya Cizîrê ya Şirnexê koma ku operasyonên siyasî û leşkerî û tecrîda li ser Rêberê Gelê Kurd Abdullah Ocalan tê meşandin bi meşekê şermnezar kir, rastî êrîşa polîsan hat.

Koma ku li Kolana Hezexê kom bûn, rê û kolan li trafîke girtin û çalakî pêk anîn. Koma ku şevê din li taxên Nûr û Cûdî kom bûn, bi starên "gerîla" meşiyan û çalakî pêk anîn.

Komê bê navber dirûşimên "Bijî Serok Apo", "PKK gel e, gel li vir e" û "Li çiyê negere, Apocî li her derê ne" berz kirin. Girseya ku çalakî pêk anîn rastî mudaxaleya polîsan a bi ava şit û bombeyên gazê hat. Komê jî fîşekên hewayî avêtin û bersîv dan polîsan. Piştî komê jî bersîv da polîsan polîs bi paşve kişiyan. Çalakiyê heta derengê şevê berdewam kir.