Li navçeya Bismilê ku di bin dorpêça leşker û polîsan de ye cenazeyên 4 sivîlên ku hatin qetilkirin anîn Nexweşxaneya Dewletê ya Bismilê.

Li navçeya Bismilê ya Amedê piştî êrîşên polîsan ên duh şevê destpê kir îro jî saet di 12.30'an de ji aliyê Qeymeqamiya Bismilê ve li taxên Rojava, Avaşîn, Firat û Tekelê qedexe hate îlankirin. Êriş li her çar taxan zêde bû hate hinbûn ku cenazeyên 4 sivîlan polîsan anîne Nexweşxaneya Dewletê ya Bismilê. Nasnameya cenazeyan nehat zelalkirin û welatî li ber nexweşxaneyê kom bûn.

Piştî qedexeya derve nûçegihanên JINHA'yê ku nûçe dişopandin ji aliyê polîsan ve hatin hedef girtin û bi tesadufî nebûn hedefa guleyên polîsan.

Li navçeyê rageşî berdewam dike û dengê çek û teqînan ji taxan tê.