Li Amedê TOMA li wesayîteke li ser rê qelibî. Di bûyera ku kes birîndar nebû, welatiyên hatin cihê bûyerê li hemberî polîsan nerazîbûn nîşan dan.

Li navçeya Yenîşehîr a Amedê TOMA’ya bi plaqeya 21 A 1296 li ser Cadeya Gevran li wesayîteke bi plaqeya 06 TBF 32 qelibî. Hat ragihandin ku di wesayîta qulipî de malbateke ji 5 kesan a 3 jê zarok hene. Di bûyerê de ji malbatê ku kes birîdar nebû, gel li hember polîsan nerazîbûn nîşan da.

Piştî bûyerê li şûna polîsên trafîkê ku wesayîtên zirxî hatin û anonsa, ‘belav bibin’ li gel kirin rastî nerazîbûnê hat. ji ber nerabûn zêde bûn, gelek TOMA û wesayîtên zirxî hatin cihê bûyerê, bi bombeyên gazê û ava şid êrîşî welatiyan kirin. Li hemberî êrîşê girseyê dirûşmên, “Bijî Serok Apo”, “Amed raneze li şehîdê xwe xwedî derkeve” û “Tahîr Elçî nemire” qîr kir, Cadeya Gevran li çûnûhatinê girt.  

Girseya ku li cadeyê agir vêxist, bi çepik û tilîliyan çalakiya dengderxistinê li dar xist, komkujiya polîsan protesto kir. Li hemberî êrîşa polîsan berxwedana welatiyan didome.