Gerîlayên HPG’ê li navçeya Bismil a Amedê di çalakiyek li dijî wesayîtek zirxî ya 3 polîs tê de bûn de 2 polîs kuştin, 1 jî birîndar kirin.

Navenda Ragihandin û Çapemeniyê ya HPG’ê di daxuyaniya nivîskî de diyar kir ku 11’ê Sibatê saet 01.00’an li navenda navçeya Bismil a Amedê hêzên gerîlayan li hember wesayîtek zirxî ya 3 polîs tê de bûn çalakî li dar xistin. Di çalakiyê de 2 polîs hatin kuştin, 1 jî birîndar bû. HPG’ê destnîşan kir ku yekîneya gerîla ya çalakî li dar xist bi sexlemî vegeriyaye bargehên xwe.

HPG’ê têkîldarî êrîşa balafirên şer ên Tirk ev agahî parve kir:

“11’ê Sibatê saet 13.00-14.30’an balafirên şer, ji Herêmên me yên Parastinê yên Medyayê, qadên girê Şehîd Colemêrg, Girê Xeregol, Kelha Ertûş û Kaniya Şehîd Şervan ên girêdayî herêma Zapê bomberdûman kirin. Dîsa heman rojê saet 20.45’an balafirên şer girê Xeregol bomberdûman kirin.

Artêşa TC di çarçoveya êrîşên obus, hewan û tankan;

11’ê Sibatê saet 16.00-16.30’an qereqola Êrîş a li sînorê navçeya Çelê ya Colemêrgê; girê Xeregol û qûntarê wê, 12’ê Sibatê (îro) saet 05.30-06.00’an qereqola Bilîcan a li sînorê navçeya Çelê herêmên derdora xwe da ber obus, hewan û tankan.”

HPG’ê têkîldarî tevgera hewayî jî wiha got: “11’ê Sibatê saet 09.00-15.00’an û 16.30-21.00’an li ser herêma Xakûrkê, 11’ê Sibatê saet 00.00-10.30’an li ser herêma Avaşîn, heman rojê saet 18.30-20.30’an li ser herêma Garê, saet di navbera 10.00 û 12’ê Sibatê (îro) 09.00’an de li ser herêma Zapê tevgera pêgerên hewayî yên keşfê çêbûn.

11’ê Sibatê saet 12.30-15.30’an û 20.00-21.00’an li ser herêma Zapê, saet 13.00-15.00’an li ser herêma Avaşînê tevgera balafirên şer çêbûn.”