Li navçeya Mêrdîn Mehsertê, rêxistinên DBP û HDP'ê yên navçeyê, bi armanca şermezarkirina komkujiyên li Cizîr û Sûrê, li ber avahiya şaredariyê daxuyaniyek hat dayîn.

Beriya daxuyaniyê deqeyeke ji bo bîranîna cangoriyên têkoşîna azadiyê rêz hat girtin. Piştre Hevserokê HDP'ê yê Navçeyê Elmas Demîrcan daxuyanî da û destnîşan kir, ku zîhniyeta faşîst a mirovên mezlûm bi tank û topan qetil dike, wê winda bike.

Demîrcan anî ziman ku yekane berpirsyarê vê komkujiyê Qesr û Hikûmeta AKP'ê ye û got, "Divê neyê ji bîrkirin, ti hêz bêdawî nîne. Divê neyê ji bîrkirin, roja hesabpirsînê wê were. Divê neyê ji bîr kirin ên li pêşberî komkujiyan bêdeng in, hevparê komkujiyan e."