Bomberdûmanên balafirên şer ên Artêşa Tirk ên li hemberî herêmên gerîla didomin. Her wiha li herêmê keşfên bi pêgerên hewayî yên bê mirov jî didomin.

Navenda Ragihandin û Çapemeniya HPG’ê daxuyaniyek nivîskî weşand û diyar kir ku roja 4’ê Tebaxê saet di navbera 11:00 – 13:00’an û 22:00’ê de û roja 5’ê Tebaxê saet di 06:30’an de li ser herêma Qendîl a girêdayî Herêmên me yên Parastinê yên Medyayê keşf pêk hat.

HPG’ê der barê tevgera hewayî ya her ku diçe li ser Herêmên Parastinê yên Medyayê zêde dibe wiha got, “Roja 4’ê Tebaxê saet di navbera 20:00 û 5’ê Tebaxê saet 05:00 pêgerên hewayî yên bê mirov ên artêşa dagirker a Tirk li ser herêma Zapê keşif pêk anîne.

4’ê Tebaxê saet di navbera 16:00 – 16:30 li herêma Metîna, saet di navbera 13:00 – 16:00’an de jî li ser herêma Heftanînê tevgera balafirên şer ên Tirk rû daye.

Roja 4’ê Tebaxê saet di navbera 12:30 – 13:00, 14:00 – 16:30 û 20:00 – 22:00’an de tevgera balafirên şer ên Tirk li ser herêma Zapê rû daye.”

HPG’ê der barê bomberdûmanên li ser xeta sînor a Herêmên Parastinê yên Medyayê jî ev agahî parve kirin:

“Roja 4’ê Tebaxê saet di navbera 16:00 – 17:00 û 22:00’an û roja 5’ê Tebaxê saet 02:00’an de qereqola Tepê Memîşta ya li ser xeta sînor a Herêmên me yên Parastinê yên Medyayê li hemberî girê Şehîd Hozan bi tankan bomberdûmanek pêk aniye. Her wiha roja 4’ê Tebaxê saet di navbera 13:00 – 16:00’an de balafirên şer ên artêşa Tirk herêmên Şehîd Brûsk, Dola Kewê û Dola Mehendê yên girêdayî herêma Zagrosê bombebaran kiriye. Êrîşên artêşa Tirk ên li hemberî herêmên me yên gerîla pêk tîne her ku diçe zêdetir dibe.

Li gorî vê;

Roja 4’ê Tebaxê saet di navbera 13:00 – 18:00’an de qereqola Bêzelê ya li ser xeta sînor a herêma Zagrosê herêmên Çarçela û girê Dêm bi hewan, obus û tankan bombebaran kiriye. Dîsa heman rojê saet di navbera 15:00 – 17:00’an de qereqolên Bêzelê û Bêdevê herêmên derdora xwe bi çekên giran bi awayek rasterast bombebaran gulebaran kiriye. Di heman saetan de her du qereqolan girê Salara bi obus û hewanan bomberan kiriye û di encama bombebaranê de li eraziyê şewat derketiye.

Roja 4’ê Tebaxê saet di 15:00’an de qereqolên Tepê Meymûn û Alaya Topan a Gulyaziyê yên li ser xeta sînor a herêma Heftanînê li hemberî herêmên girê Şehîd Kendal bi obus, hewan û tankan bombebaran pêk anîne.

Roja 5’ê Tebaxê saet di navbera 00:00 – 01:00 û 07:00 – 08:30’an de qereqola Oremar a girêdayî navçeya Gever a Colemêrgê li herêmên Şehîd Gafûr, Şehîd Afat, Şehîd Rehîma û Kaniya Cinetê bi obus, hewan û bombeyên mîsket bombebaran kiriye.

Roja 4’ê Tebaxê saet di navbera 12:00 – 14:30’an de qereqola Êrîş a li ser xeta sînor a herêma Zapê li hemberî herêmên Xeregol, Şelalê û gundê Zêvê bi obus û hewanan bomberdûmanek pêk aniye. Dîsa qereqola Êrîş saet di navbera 18:00 – 19:00 û roja 5’ê Tebaxê saet 00:00 – 01:00’an de herêmên Dola Şîfreza, Tepê Hakan, Şîfreza û Canmeda, qereqola Bilîcanê jî saet di navbera 20:00 – 22:00’an de Tepeyê Guvenlîkê bi obus, hewan û tankan bombebaran kiriye.

Roja 4’ê Tebaxê saet di navbera 14:00 – 16:00’an de balafirên şer ên artêşa dagirker a Tirk herêmên Xeregol, Dola 82’yan, Şelalê û Canmeda yên li ser xeta sînor a herêma Zapê bombebaran kiriye.

Roja 4’ê Tebaxê saet di navbera 14:30 – 15:30’an de balafirên şer ên artêşa dagirker a Tirk li hemberî herêmên Şehîd Rehîma, Şehîd Bager, Şehîd Afad û Kaniya Cinnetê yên li ser xeta sînor a herêma Avaşîn bomberdûmanek pêk anîne.

‘JI GERÎLAYAN ÇALAKIYÊN LI HEMBER QEREQOLAN’

HPG’ê diyar kir ku, Roja 4’ê Tebaxê di saet 08:30’an de gerîlayên me bi çekên giran li qereqola Oremarê ya girêdayî navçeya Gever a Colemêrgê dane. HPG’ê da zanîn ku bi hewanên hatine avêtina qereqolên ziyana madî çêbûye. HPG’ê wiha got, “Mirî û birîndarên dijmin nehatine zelalkirin. Li ser vê yekê qereqola Oremarê herêma Şehîd Gafûr a li ser xeta sînor a herêma Avaşîn bi obus û hewanan bombebaran kiriye. Pevçûnên ku bi çekên giran pêk hat heya şev saet 23:30’an berdewam kiriye.”

HPG’ê diyar kir ku Roja 4’ê Tebaxê saet di navbera 12:00 – 13:00’an de gerîlayên HPG’ê çalakiyek bi çekên giran li hemberî çeperên qereqola Êrîş a li ser xeta sînor a herêma Zapê pêk anîne. HPG’ê da zanîn ku mirî û birîndarên artêşa Tirk ên vê çalakiyê nehatine zelalkirin.

HPG’ê diyar kir ku pêgerên hewayî yên bê mirov ên artêşa Îranê roja 4’ê Tebaxê di navbera saet 22:00 û roja 5’ê Tebaxê saet 01:00’an de li ser herêmên Tepê Casûsa û Tepê Koordîne yên girêdayî herêma Qendîlê keşif pêk anîne.